كتابة سيناريو الفيلم الطويل هاحاول اعمل حاجة تكون متكاملة بحيث انها في النهاية تشكل اساس لأي كاتب سيناريو
مبتديء يصلح انه يبدأ منه وينطلق في كتابة السيناريو كمهنة .. خلينا نتفق
الاول ان كتابة سيناريو الفيلم الطويل اجمع كبارها واباطرتها علي انها مهنة
تكاد ترقي لمرتبة الفن .. وده معناه ان لها قواعد معينة تصلح للتطبيق علي
كافة انواع السيناريوهات لو طبقتها فأنت نجحت انك تكتب سيناريو قادر علي
انه ينزل السوق وينافس وعلشان كده قررت ان كونسيبت البوستات دي هايبقي
مختلف شوية .. لاحظت من خلال قراءاتي ان في حاجات معينة لازم تتواجد في
السيناريو بتاعك وكل حاجة معروف مكانها بالظبط في السيناريو سواء بالدقائق
او عدد الصفحات وطبعا غني عن الذكر ان كل صفحة في السيناريو تساوي دقيقة
علي الشاشة تقريبا .. علشان كده فكرت ان معرفة الكاتب بالحاجات دي دون
الدخول في تفاصيل اكاديمية معقدة قادر انه يصنع منك كاتب سيناريو محترف لو
قدرت تطبق القواعد دي علي قصتك
اول حاجة عندنا في السيناريو هو
الخطاف
Hook
وده بيتواجد في السيناريو في الصفحة الاولي وقد يمتد للصفحة التانية
ايه هو الهوك؟؟ هو افتتاحية السيناريو بتاعك اول حاجة هايشوفها المشاهد لما يشوف فيلمك بعد تيترات البداية واحيانا قبلها
ايه وجه اهميته؟؟ مهما كانت عظمة قصتك فأن اول صفحات فيه هي اللي هاتحدد ما اذا كان اللي بيقراه هايكمله اصلا ولا لأ ومهما كنت عامل اللي ما اتعملش فيه لكن لازم تولي الصفحات الاولي عناية فائقة علشان يتقري السيناريو للاخر
ايه وظيفة الهوك او الخطاف ... زي ما هو باين من اسمه كده مطلوب منه انه يخطفك لأجواء القصة وبناء عليه قارئ السيناريو هايتشد انه يكمله وبالتبعية مشاهد الفيلم هايتشد انه يكمله في حال تم انتاجه وعرضة عالجمهور
لحسن الحظ انه بدراسة اساليب كبار كتاب السيناريو لقيت ان في طرق محددة لصياغة الخطاف ده هما في الحقيقة تسعة خلينا ندرسهم واحدة ورا واحدة وانت في النهاية ليك مطلق الحرية تختار انهي واحدة منهم تبدا بيها فيلمك
1- البداية الغامضة
اول طريقة لبداية فيلمك هي طريقة الغموض وخلينا متفقين ان الفضول هو اساس كل البدايات وفي البداية الغامضة دي بنعمد الي اخفاء بعض المعلومات عن القارئ او المتفرج وذلك لأثارة فضولهم في فيلم (اي تي) ET مثال واضح جدا علي البداية الغامضة وتأثيرها علي المشاهد .. هانلاقي ان سبلبيرج (اسمحولي اني اقول سبلبيرج عادي كده كأننا اصحاب ولسة قايمين من عالقهوة سوا ) افتتح فلمه كالاتي لقطة للغابة المظلمة وبنشوف القمر بس مستخبي ورا شجرة كبيرة وبعد كده بنشوف سفينة فضائية بس مابنشوفش اي فضائيين ولما بيبدأ الفضائي في الظهور بنلاقي انه ماظهرش منه غير ايده فقط وكل ما عداها غير ظاهر للمشاهد
البداية دي معتمدة علي اسلوب بحب اطلق عليه اسلوب الاخفاء الدرامي وفيها بيتم اخفاء شيئ ما مهم دراميا بشكل متعمد ولو اتعمل الموضوع ده بشكل صحيح هايثير عدد كبير من الاسئلة في ذهن القارئ والاسئلة بالتبعية تؤدي الي خطف القارئ لأجواء القصة ..
خلينا نفترض قصة معينة وليكن مثلا ان في هجام دخل شقة علشان يسرقها في وضح النهار دقايق وبترجع ست البيت بدري شوية عن معادها. بيسمع صوتها الهجام فبيقرر يدخل الحمام يستخبي ورا ستارة الدش. الست بتقرر انها تاخد شاور بتدخل الحمام بتكتشف الهجام اللي بيصيبه الرعب فبيقتلها. ساعات بعد كده وبيوصل زوج السيدة بيكتشف جثة زوجتة في الحمام
في اللي فات ده مثال لتسلسل احداث مابين فعل ورد فعل الست بترجع بدري ده فعل الهجام بيستخبي في الحمام ده رد فعل وطبعا زي ما احنا عارفين الفعل ورد الفعل هما الاساس اللي بتتبني عليه الحبكة بس احنا عندنا مشكلة هنا في التسلسل ده للأحداث المشكلة هي ان التسلسل كده اجاب علي كل الاسئلة اللي عندنا ومسابش مجال لأي سؤال .. فلو سألنا نفسنا ليه الهجام خاف؟؟ علشان سمع صوت الست .. طيب هي ليه اتقتلت علشان اكتشفت الهجام ... مين القاتل؟ الهجام طبعا .. كل المعلومات متوفرة عندنا وتتابع الاحداث ده سابنا بدون اي اسئلة وبدون اي سبب لأستكمال القراءة
في حين اننا لو اخفينا عمدا بض المعلومات سواء الفعل او رد الفعل من التتابع هانسيب ثقب كبير في القصة وده بالتبعية بيخلق خطاف كبير يشد اللي بيقرأ ... خلينا نعمل نفس التتابع بس نخفي بعض الحاجات ونشوف ممكن نوصل لأيه
هانبدأ بست بترجع من شغلها بدري شوية بتقرر انها تاخد شاور بتدخل الحمام ... بعد ساعات زوجها بيكتشف جسدها المضجر بالدماء علي ارضية الحمام ...
هنا احنا حذفنا البداية والوسط وده ساب لنا كل انواع الاسئلة المهمة اللي هاتخلينا ناكل صفحات السيناريو اكل علشان نفهم اللي حصل ده حصل ليه ... بل اننا كمان ممكن نبدأ الاحداث براجل بيلاقي جثة واحدة في الحمام بتاع بيته وده بيثير اسئلة بشكل اكبر وبيخلينا نتسائل مين الست دي وايه اللي خلاها تتقتل في حمام الراجل ده
وبناء عليه لازم تكتب افتتاحية فيلم بشكل يثير اكبر قدر ممكن من الاسئلة عند المتلقي علشان لو مكتبتهاش بشكل يثير التساؤل الجمهور مش هايسأل ومحدش هايهتم انه يتابع
دي اول طريقة من طرق كتابة بدايات الافلام او كما يطلق عليها الخطاف وهانذكر الباقي تباعا وبعد كده هاننشر حلقة ملخصة للتسع طرق وبعد كده ننتقل لنقطة تانية
ماتنسوش بقي الشير علشان الناس تستفيد والكومنتات علشان نتناقش في المكتوب
اول حاجة عندنا في السيناريو هو
الخطاف
Hook
وده بيتواجد في السيناريو في الصفحة الاولي وقد يمتد للصفحة التانية
ايه هو الهوك؟؟ هو افتتاحية السيناريو بتاعك اول حاجة هايشوفها المشاهد لما يشوف فيلمك بعد تيترات البداية واحيانا قبلها
ايه وجه اهميته؟؟ مهما كانت عظمة قصتك فأن اول صفحات فيه هي اللي هاتحدد ما اذا كان اللي بيقراه هايكمله اصلا ولا لأ ومهما كنت عامل اللي ما اتعملش فيه لكن لازم تولي الصفحات الاولي عناية فائقة علشان يتقري السيناريو للاخر
ايه وظيفة الهوك او الخطاف ... زي ما هو باين من اسمه كده مطلوب منه انه يخطفك لأجواء القصة وبناء عليه قارئ السيناريو هايتشد انه يكمله وبالتبعية مشاهد الفيلم هايتشد انه يكمله في حال تم انتاجه وعرضة عالجمهور
لحسن الحظ انه بدراسة اساليب كبار كتاب السيناريو لقيت ان في طرق محددة لصياغة الخطاف ده هما في الحقيقة تسعة خلينا ندرسهم واحدة ورا واحدة وانت في النهاية ليك مطلق الحرية تختار انهي واحدة منهم تبدا بيها فيلمك
1- البداية الغامضة
اول طريقة لبداية فيلمك هي طريقة الغموض وخلينا متفقين ان الفضول هو اساس كل البدايات وفي البداية الغامضة دي بنعمد الي اخفاء بعض المعلومات عن القارئ او المتفرج وذلك لأثارة فضولهم في فيلم (اي تي) ET مثال واضح جدا علي البداية الغامضة وتأثيرها علي المشاهد .. هانلاقي ان سبلبيرج (اسمحولي اني اقول سبلبيرج عادي كده كأننا اصحاب ولسة قايمين من عالقهوة سوا ) افتتح فلمه كالاتي لقطة للغابة المظلمة وبنشوف القمر بس مستخبي ورا شجرة كبيرة وبعد كده بنشوف سفينة فضائية بس مابنشوفش اي فضائيين ولما بيبدأ الفضائي في الظهور بنلاقي انه ماظهرش منه غير ايده فقط وكل ما عداها غير ظاهر للمشاهد
البداية دي معتمدة علي اسلوب بحب اطلق عليه اسلوب الاخفاء الدرامي وفيها بيتم اخفاء شيئ ما مهم دراميا بشكل متعمد ولو اتعمل الموضوع ده بشكل صحيح هايثير عدد كبير من الاسئلة في ذهن القارئ والاسئلة بالتبعية تؤدي الي خطف القارئ لأجواء القصة ..
خلينا نفترض قصة معينة وليكن مثلا ان في هجام دخل شقة علشان يسرقها في وضح النهار دقايق وبترجع ست البيت بدري شوية عن معادها. بيسمع صوتها الهجام فبيقرر يدخل الحمام يستخبي ورا ستارة الدش. الست بتقرر انها تاخد شاور بتدخل الحمام بتكتشف الهجام اللي بيصيبه الرعب فبيقتلها. ساعات بعد كده وبيوصل زوج السيدة بيكتشف جثة زوجتة في الحمام
في اللي فات ده مثال لتسلسل احداث مابين فعل ورد فعل الست بترجع بدري ده فعل الهجام بيستخبي في الحمام ده رد فعل وطبعا زي ما احنا عارفين الفعل ورد الفعل هما الاساس اللي بتتبني عليه الحبكة بس احنا عندنا مشكلة هنا في التسلسل ده للأحداث المشكلة هي ان التسلسل كده اجاب علي كل الاسئلة اللي عندنا ومسابش مجال لأي سؤال .. فلو سألنا نفسنا ليه الهجام خاف؟؟ علشان سمع صوت الست .. طيب هي ليه اتقتلت علشان اكتشفت الهجام ... مين القاتل؟ الهجام طبعا .. كل المعلومات متوفرة عندنا وتتابع الاحداث ده سابنا بدون اي اسئلة وبدون اي سبب لأستكمال القراءة
في حين اننا لو اخفينا عمدا بض المعلومات سواء الفعل او رد الفعل من التتابع هانسيب ثقب كبير في القصة وده بالتبعية بيخلق خطاف كبير يشد اللي بيقرأ ... خلينا نعمل نفس التتابع بس نخفي بعض الحاجات ونشوف ممكن نوصل لأيه
هانبدأ بست بترجع من شغلها بدري شوية بتقرر انها تاخد شاور بتدخل الحمام ... بعد ساعات زوجها بيكتشف جسدها المضجر بالدماء علي ارضية الحمام ...
هنا احنا حذفنا البداية والوسط وده ساب لنا كل انواع الاسئلة المهمة اللي هاتخلينا ناكل صفحات السيناريو اكل علشان نفهم اللي حصل ده حصل ليه ... بل اننا كمان ممكن نبدأ الاحداث براجل بيلاقي جثة واحدة في الحمام بتاع بيته وده بيثير اسئلة بشكل اكبر وبيخلينا نتسائل مين الست دي وايه اللي خلاها تتقتل في حمام الراجل ده
وبناء عليه لازم تكتب افتتاحية فيلم بشكل يثير اكبر قدر ممكن من الاسئلة عند المتلقي علشان لو مكتبتهاش بشكل يثير التساؤل الجمهور مش هايسأل ومحدش هايهتم انه يتابع
دي اول طريقة من طرق كتابة بدايات الافلام او كما يطلق عليها الخطاف وهانذكر الباقي تباعا وبعد كده هاننشر حلقة ملخصة للتسع طرق وبعد كده ننتقل لنقطة تانية
ماتنسوش بقي الشير علشان الناس تستفيد والكومنتات علشان نتناقش في المكتوب
ليست هناك تعليقات:
إرسال تعليق